Opið bankakerfi

API-vörur Landsbankans gera bankanum kleift að eiga í virku samstarfi við fyrirtæki á fjártæknimarkaði. Þannig býður bankinn viðskiptavinum að njóta sérsniðinna fjártæknilausna í opnu bankakerfi.

Markaðstorg fyrir framsækna bankaþjónustu

Framtíð bankaþjónustu felst meðal annars í greiðu aðgengi viðskiptavina í sem flestum dreifileiðum – og hlutverk Landsbankans er að styðja við þá þróun og vera fyrirtækjum á fjártæknimarkaði til halds og trausts við útfærslu og smíði bankaþjónustu morgundagsins.

Á markaðstorginu er að finna úrval API-vara sem bankinn býður upp á. Markmið okkar á sviði fjártækni er að styðja myndarlega við ábyrga nýsköpun í landinu og koma til móts við fyrirtæki á fjártæknimarkaði sem móta framtíð bankaþjónustu viðskiptavinum í hag. Með þeim hætti sýnir Landsbankinn samfélagsábyrgð í verki.

Fara á markaðstorg

Það er einfalt að byrja

Með innskráningu á markaðstorgið má prófa API-vörur bankans með gerviupplýsingum í vernduðu prófunarumhverfi. Að reynslutíma loknum er hægt að sækja um aðgang að raunumhverfi.

Tvær megingerðir API-vara bankans

Stigsmunur er á API-vörum út frá eðli þeirra og fjárhagslegu mikilvægi. Vörurnar eru ýmist samningsbundnar eða ósamningsbundnar.

  • Samningsbundnar API-vörur krefjast þess að mat á hæfi notanda fer fram og í kjölfarið undirriti viðkomandi samning við Landsbankann og undirgangist önnur skilyrði bankans:



  • Ósamningsbundnar þjónustur eru einfaldari og krefjast hvorki samningsundirritunar né mats á hæfi þátttakanda. Óska má eftir aðgangi að raunumhverfi þegar hentar og er beiðnin þá sjálfkrafa samþykkt:



Nánar um API-vörur

Við bendum á að allar tæknilegar upplýsingar um vörurnar má finna á markaðstorginu.



Öryggi, stjórn og gagnsæi

Nýsköpun í bankaþjónustu er sannarlega til þess fallin að veita ávinning víða í samfélaginu. API tæknin veitir fjölda spennandi tækifæra en krefjast þess ennfremur að þjónustan sé veitt á ábyrgan hátt. Þess vegna leggur Landsbankinn áherslu á þrjár meginreglur um aðgengi og miðlun upplýsinga í fjártækni:

  • Öryggi – Í fjártæknilausnum Landsbankans njóta viðskiptavinir bankans fyllsta öryggis og verndar eins og í hefðbundnum bankaviðskiptum. Bankinn hannar lausnir sínar með öryggi og persónuvernd í huga og gerir miklar kröfur til öryggisþátta hugbúnaðalausnar fyrirtækja sem nota samningsbundnar API-vörur bankans.

  • Gagnsæi – Viðskiptavinir Landsbankans hafa ætíð stjórn á hvaða upplýsingar og réttindi fyrirtæki eða app fær sem stýrir því hvaða aðgerðir er hægt að framkvæma. Viðskiptavinir geta ávallt aftengt app frá þriðja aðila í netbanka Landsbankans og þjónustuveri bankans.

  • Stjórnun – Viðskiptavinir Landsbankans hafa ætíð stjórn á tengingu við app frá þriðja aðila og aðgerðum. Viðskiptavinir geta ávallt aftengt app frá þriðja aðila í netbanka Landsbankans og þjónustuveri bankans.

Markaðstorg

Hvað er API?

API stendur fyrir Application Programming Interface sem má útleggja sem forritaskil. API er viðmót sem bankinn býður ytri aðilum að tengja sig við með það að markmiði að þróa nýjar vörur og þjónustu fyrir viðskiptavini Landsbankans.