Efnahagsmál

Hagfræðideild Landsbankans birtir hér yfirlit, greiningar og rannsóknir er snúa að þróun og horfum helstu hagvísa, svo sem verðbólgu, stýrivöxtum, hagvexti, atvinnuleysi og utanríkisviðskipum.

Vikubyrjun: mánudagurinn 21. júlí

Vísitala íbúðaverðs lækkaði um 0,8% í júní, sem er mesta lækkun milli mánaða frá því í desember 2010. Síðasta föstudag uppfærði Standard & Poor‘s lánshæfismat Ríkissjóðs Íslands. Horfununum var breytt úr stöðugum í jákvæðar (BBB- fyrir langtímaskuldbindingar og A-3 fyrir skammtímaskuldbindingar).

Það helsta frá vikunni sem leið

Vísitala íbúðaverðs lækkaði um 0,8% í júní, sem er mesta lækkun milli mánaða frá því í desember 2010. 

Síðasta föstudag uppfærði Standard & Poor‘s lánshæfismat Ríkissjóðs Íslands. Horfununum var breytt úr stöðugum í jákvæðar (BBB- fyrir langtímaskuldbindingar og A-3 fyrir skammtímaskuldbindingar).

Vinnumálastofnun birti júní tölur fyrir skráð atvinnuleysi. Skráð atvinnuleysi í júní var 3,2% sem er 0,4% lækkun frá því í maí.

Úrvalsvísitalan stóð í stað í vikunni. Mest hækkuðu bréf í HB Granda (+2,3%) og VÍS (+1,0%) á meðan bréf í Högum (-1,4%) og Fjarskiptum (-2,5%) lækkuðu mest.

Gengi krónunnar var áfram nokkuð stöðugt í vikunni. Krónan veiktist gagnvart Sterlingspundi (GBPISK = 195,7; +0,4%), Bandaríkjadal (USDISK = 114,5; +0,6%) og norsku krónunni (NOKISK = 18,51; +0,4%).

Í vikunni gáfum við út Hagsjá um Íbúðaverð og verðbólguspá fyrir júlí.

Mynd vikunnar

Þjóðskrá Íslands gaf út vísitölu íbúðaverðs á höfuðborgarsvæðinu í vikunni. Mynd vikunnar sýnir þróun vísitölu húsnæðisverðs síðan 2010. Íbúðarverð hefur verið á nokkru skriði upp á við síðustu ár og hefur fjölbýli leitt förina.

Mynd vikunnar

Vikan framundan

Á miðvikudaginn birtir Hagstofan meðal annars nýjustu vinnumarkaðsrannsókn sína, vísitölu neysluverðs og vísitölu kaupmáttar launa. Marel verður með afkomutilkynningu fyrir 2. ársfjórðung á miðvikudaginn og Össur á fimmtudaginn.

Hagtölur og markaðsupplýsingar

Hagtölur 21. júlí 2014

Innlendar markaðsupplýsingar 21. júlí 2014

Erlendar markaðsupplýsingar 21. júlí 2014


Hvað fannst þér um þessa grein? Láttu okkur vita

Lesa grein

Hagsjá: Íbúðaverð lækkar tvo mánuði í röð

Þjóðskrá Íslands gaf út vísitölu íbúðaverðs á höfuðborgarsvæðinu fimmtudaginn 17. júlí. Vísitalan lækkaði um 0,8% í júní, sem er mesta lækkun milli mánaða frá því í desember 2010. Íbúðaverð lækkaði einnig í maí og er þetta í fyrsta skipti frá árinu 2010 sem íbúðaverð lækkar tvo mánuði í röð.

Samantekt

Þjóðskrá Íslands gaf út vísitölu íbúðaverðs á höfuðborgarsvæðinu fimmtudaginn 17. júlí. Vísitalan lækkaði um 0,8% í júní, sem er mesta lækkun milli mánaða frá því í desember 2010. Íbúðaverð lækkaði einnig í maí og er þetta í fyrsta skipti frá árinu 2010 sem íbúðaverð lækkar tvo mánuði í röð. 

Íbúðaverð hefur verið á nokkru skriði upp á við fyrstu tvo ársfjórðunga ársins 2014. Íbúðaverð var í júní 6,8% hærra en fyrir ári síðan, í samanburði var árshækkunin rúmlega 11% í mars og apríl.

Raunverð húsnæðis hefur hækkað duglega að undanförnu bæði vegna hækkunar á íbúðaverði og vegna hagstæðrar verðbólguþróunar. Í júní var raunverð íbúða 5,7% hærra en það var árið áður.

Lesa Hagsjána í heild

Hagsjá: Íbúðaverð lækkar tvo mánuði í röð

Hvað fannst þér um þessa grein? Láttu okkur vita

Lesa grein

Vikubyrjun: mánudagurinn 14. júlí

Ríkissjóður gekk frá samningi um útgáfu evruskuldabréfa að fjárhæð 750 m. evra. Lánamál ríkisins (LR) birtu í vikunni niðurstöðu útboðs ríkisvíxla. Seðlabankinn ákvað í vikunni að auka reglubundin vikuleg kaup á gjaldeyri úr þremur milljónum evra í sex milljónir evra. Úrvalsvísitalan stóð í stað í vikunni. Gengi krónunnar var áfram nokkuð stöðugt.

Það helsta frá vikunni sem leið

Ríkissjóður gekk frá samningi um útgáfu evruskuldabréfa að fjárhæð 750 m. evra. Stefnt er að því að nota andvirðið til að greiða niður neyðarlánin frá vinaþjóðunum okkar.

Lánamál ríkisins (LR) birtu í vikunni niðurstöðu útboðs ríkisvíxla. Alls samþykkti LR tilboðum í RIKV 14 1015 fyrir 700 m.kr. að nafnverði (verð: 98,963; krafa: 4,10%) og í RIKV 15 0115 fyrir 3.280 m.kr. að nafnverði (verð: 97,898; krafa: 4,20%).

Seðlabankinn ákvað í vikunni að auka reglubundin vikuleg kaup á gjaldeyri úr þremur milljónum evra í sex milljónir evra. Seðlabankinn hefur frá áramótum keypt að meðaltali um 9,8 milljónir evra á viku.

Úrvalsvísitalan stóð í stað í vikunni. Mest hækkuðu bréf í Fjarskiptum (+1,6%) og Icelandair (+1,2%) á meðan bréf í N1 (-3,4%), Sjóvá (-2,6%) og Högum (-2,4%) lækkuðu mest.

Gengi krónunnar var áfram nokkuð stöðugt í vikunni. Hún veiktist gagnvart Evru (EURISK = 155,0; +0,5%), Bandaríkjadal (USDISK = 113,9; +0,4%) og sterlingspundi (GBPISK = 194,9; +0,1%).

Lánamál ríkisins gáfu út í vikunni markaðsupplýsingar í júlí.

Við gáfum út tvær Hagsjár um lífeyrissjóðina (sjá Staða lífeyrissjóðanna að mörgu leyti góð og Ýmis ljón í vegi lífeyriskerfisins) og eina um gengisþróun íslensku krónunnar.

Mynd vikunnar

Í vikunni gaf ríkissjóður út 750 m. evra skuldabréf með gjalddaga 2020. Mynd vikunnar sýnir meðal annars vaxtakjör íslenska bréfsins á markaði (11. júlí) og sambærilegra erlendra bréfa, öll með gjalddaga 2020. Þar sést að ávöxtunarkrafa íslenska bréfsins er nánast á pari miðað við rúmensku og rússnesku bréfin á meðan þýsku, finnsku og frönsku bréfin bera lægstu kröfuna.

Mynd vikunnar

Vikan framundan

Á þriðjudaginn birtir Vinnumálastofnun upplýsingar um skráð atvinnuleysi í júní, á fimmtudag birtir Þjóðskrá vísitölu íbúðarverðs á höfuðborgarsvæðinu, og á föstudag birtir Hagstofan upplýsingar um fiskafla í júní og veltu skv. virðisaukaskýrslum á fyrstu fjóra mánuði ársins. S&P fyrirhuga að birta uppfært lánshæfismat á íslenska ríkið á föstudaginn.

Hagtölur og markaðsupplýsingar

Hagtölur 14. júlí 2014

Innlendar markaðsupplýsingar 14. júlí 2014

Erlendar markaðsupplýsingar 14. júlí 2014

Hvað fannst þér um þessa grein? Láttu okkur vita

Lesa grein

Hagsjá: Spáum 0,3% lækkun VNV í júlí

Hagstofa Íslands birtir júlímælingu vísitölu neysluverðs (VNV) miðvikudaginn 23. júlí nk. Hagfræðideild Landsbankans spáir 0,3% lækkun vísitölunnar milli mánaða. Gangi spáin eftir mun ársverðbólgan haldast óbreytt í 2,2% og mun því áfram verða undir verðbólgumarkmiði Seðlabankans.

Samantekt

Hagstofa Íslands birtir júlímælingu vísitölu neysluverðs (VNV) miðvikudaginn 23. júlí nk. Hagfræðideild Landsbankans spáir 0,3% lækkun vísitölunnar milli mánaða. Gangi spáin eftir mun ársverðbólgan haldast óbreytt í 2,2% og mun því áfram verða undir verðbólgumarkmiði Seðlabankans. Bráðabirgðaspá Hagfræðideildar gerir ráð fyrir að VNV hækki um 0,3% í ágúst þegar sumarútsölur ganga til baka, 0,4% í september og 0,1% í október. Gangi spáin eftir mun ársverðbólgan verða undir verðbólgumarkmiðinu í sumar og enda í 2,3% í október.

Lesa Hagsjána í heild

Hagsjá: Spáum 0,3% lækkun VNV í júlí

Hvað fannst þér um þessa grein? Láttu okkur vita

Lesa grein

Hagsjá: Ýmis ljón í vegi lífeyriskerfisins

Um síðustu áramót var tryggingafræðileg staða sjóða með ábyrgð opinberra aðila neikvæð um sex hundruð ma.kr., eða um tæpan þriðjung landsframleiðslunnar. Þessi vandi snýr ekki einungis að félagsmönnum þessara sjóða heldur einnig beint að skattgreiðendum sem í rauninni skulda félagsmönnum sjóðanna þessa stóru upphæð.

Samantekt

Um síðustu áramót var tryggingafræðileg staða sjóða með ábyrgð opinberra aðila neikvæð um sex hundruð ma.kr., eða um tæpan þriðjung landsframleiðslunnar. Þessi vandi snýr ekki einungis að félagsmönnum þessara sjóða heldur einnig beint að skattgreiðendum sem í rauninni skulda félagsmönnum sjóðanna þessa stóru upphæð. Í tilviki opinberu sjóðanna vantar um helming til þess að það sé hægt að standa við áunnar lífeyrisgreiðslur og þar bera ríki og sveitarfélög ábyrgð á mismuninum. Sumir þessara sjóða stefna í þrot verði ekki brugðist fljótlega við og bæði lífeyrisþegar og skattgreiðendur eiga kröfu á að sjá hvernig á verður haldið.

Þótt samsetning eigna lífeyrissjóðanna sé nokkuð dreifð er staðan sú að tæplega helmingur verðbréfaeignar þeirra er með ábyrgð ríkis eða sveitarfélaga. Félagsmenn sjóðanna eru sjálfir skattgreiðendur og bera þannig ábyrgð á helmingi þeirra eigna sem ætlað er að tryggja lífeyri þeirra. Með þessu áframhaldi er hætta á að lífeyriskerfið breytist smám saman í gegnumstreymiskerfi vegna vaxandi vægis eigna með ábyrgð opinberra aðila, og þar með sjóðfélaganna sjálfra, í eignasöfnum þeirra.

Lífeyrissjóðirnir eru mjög fyrirferðamiklir á innlendum fjárfestingarmarkaði og innlend ávöxtun þeirra er ágæt um þessar mundir. Það er hins vegar áhættusamt fyrir lífeyrisþega framtíðarinnar að lífeyrissjóðirnir hafi bara úr innlendum fjárfestingarmöguleikum að velja þegar til lengdar lætur. Gjaldeyrishöftin standa nú í vegi fyrir að lífeyrissjóðirnir geti aukið erlendar fjárfestingar sínar, sem er nauðsynlegt vegna dreifingar áhættu. Sjóðirnir eru orðnir mjög stórir miðað við flestar hagstærðir innanlands og rúmast varla innan þeirra. Þetta má t.d. sjá á beinu eignarhaldi sjóðanna á skráðum félögum á hlutabréfamarkaði, en sjóðirnir áttu nú í byrjun júlí yfir og allt að helmingi sumra félaganna og alls 33,5% af heildarmarkaðsvirði félaga í kauphöllinni.

Lesa Hagsjána í heild

Hagsjá: Ýmis ljón í vegi lífeyriskerfisins


Hvað fannst þér um þessa grein? Láttu okkur vita

Lesa grein


Fyrirvari

Innihald og form þeirra greininga sem birtast hér eru unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær eru dagsettar, en þær geta breyst án fyrirvara. | Lesa allan fyrirvarann

RSS